احـــــبــــــك

استعرض الموضوع السابق استعرض الموضوع التالي اذهب الى الأسفل

احـــــبــــــك

مُساهمة  الطائر الحزين 2008 في السبت مارس 22, 2008 6:55 pm

هــــــــــــــــــــــــاى على احلى اعضاء فى فى المنتدى
دى اول مشاركة ليا فى المنتدى ويا رب تعجبكم

ودى قصيدة اكيد هتعجبكم :evil: انا عايز كل واحد يقولى راية فى القصيدة دى اية

على اسم مصر
===========
النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر.

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

اسمعها مهموسة والا اسمعها مشخوطه

شبكة رادار قلبي جوه ضلوعي مضبوطة

على اسم مصر.

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أوح يحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد اقوله لحد

القمح ليه إسمه قمح اليوم وأمس وغد

ومصر يحرم عليها .. والجدال يشتد

على اسم مصر.

ولما زماني رماني عليل

نسيت كل شيء عن حبيبي الجميل

لكن هو أبداً

انا مانساهوش

نسيت مشيته وصوته كان شكله إيه

ورسمة شفايفه

ولمسة إيديه

نسيت نظراته

نسيت لون عينيه

وقوس الحواجب وسهم الرموش

لكن هو أبداً

انا ما انساهوش

نسيت إسمه وحكايته وعرفته فين

وعشنا سوى العمر

والا يومين

وكان م البشر

والا طير بجناحين

نسيت حتى كان له وجود أو مالوش

لكين هو أبداً

أنا ما انساهوش

قطعوا الأغاني وطارت نشرة الأخبار

دارت على كل دار في الكوكب الدوار

يا حاضرين اعلموا الغايبين بأنه في مصر

اتغير الاسم منذ الآن فأصبح .. مصر

ضحك التاريخ ضحكته المشهور بها واندار

ودخل مناقشة مع الجغرافيا عما صار

هل نعترف بالبيان اللي أذيع العصر

أم ننتظر مصر تطرد اسرائيل بالقسر

وساعتها تحصل بكل جدارة يوم النصر

على اسم مصر.

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر.

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر.

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر.

رحـيـلاً رحـيـلاً بغيـر هـوادة

رحـيلاً فإن الـرحـيل سعـادة

عبادة

إرادة

سيادة

ولادة

رحـيـلا .. إلى أين لـيس يـهـم

ولـيس يـهـم بأي وسيـلة ..

أجيـراً بلقمـتـه في البـواخـر ..

عـلى واحـد من جيـاد القبيلة ..

على مقعـد في ذرى الجـو فـاخـر

وتمـلأ الكـأس بنت جمـيلة ..

على قدمي .. أو بفكري .. أهاجر

أبادر

أغادر

أخاطر

أسافر

====

اخوكم
الطائر الحزين
=====
منقول - صلاح جاهين
=====

الطائر الحزين 2008
عضو

ذكر
عدد الرسائل : 5
العمر : 23
تاريخ التسجيل : 22/03/2008

http://www.emadloveyou2003.mam9.com

الرجوع الى أعلى الصفحة اذهب الى الأسفل

رد: احـــــبــــــك

مُساهمة  عادل التونى في الأحد مارس 23, 2008 9:28 pm

الطائر الحزين 2008
=========
شكرا لمساهمتكم الرقيقة
دمتم بخير
=====

عادل التونى
المدير
المدير

ذكر
عدد الرسائل : 1983
العمر : 56
تاريخ التسجيل : 22/03/2008

http://sanabel.ace.st

الرجوع الى أعلى الصفحة اذهب الى الأسفل

رد: احـــــبــــــك

مُساهمة  الطائر الحزين في الإثنين مارس 24, 2008 6:19 pm

مش دى القصيدة
انا مبيكلش معايا الكلام دة
على العموم متشكرين اوى
انا كنت ناوى اعمل شغل فى المنتدى دة
:affraid: :affraid: :affraid: :affraid: :affraid: :affraid: :affraid:

الطائر الحزين
عضو

عدد الرسائل : 2
تاريخ التسجيل : 22/03/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى