ســـــــــــنابل مــــنتدى الزراعـــــــــيين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سلام الله على الاغنام

اذهب الى الأسفل

سلام الله على الاغنام Empty سلام الله على الاغنام

مُساهمة  عادل التونى الإثنين مايو 19, 2008 1:34 am

سلام الله على الاغنام
----------
هاجع ناجع رايح راجع
واللى عليه الدور مدبوح
----------
قرار (1 )
غنمى وغنمك عملوا شلة
لازم حتما ياخدوا قرار
غنمى نايم تحت الضلة
غنمى صبحوا من الكفار
غنمك قاموا الحد وحّدوا
قاموا جدار حواليهم سدوا
عملوا عليهم الف حصار
أكلت غنمى فى مرعى ومرعه
صبحت غنمى فى ماتش مصارعة
حاصرت غنمى جوه حصار
قرار ( 2 )
غنم العالم شم الريحة
راحوا علينا وعملوا فضيحة
اللى يزعق واللى يمأمأ
واللى يجعر جوه صفيحة
لازم طبعا ياخدوا قرار
قرار ( 3 )
نزلوا علينا بكل ماليهم
واللى مالوش فى الدور مواليهم
سكت الليل ماطلعلوا نهار
قرار ( 4 )
رجعت غنمك رجعت غنمى
كل خروف ساند فى خروف
شالوا صفيحة وعملوا فضيحة
لما المرعى ملاها الصوف
غنمى وغنمك عملوا شلة
قالوا حتما ناخدوا قرار
قرار ( 5 )
مطوا فى بوزهم
قالوا نشجب
قالوا يسقط الاستعمار
----------
قالوا وقالوا وقالوا وقالوا
يوم مالحق يعود لاصحابه
يوم ماعنينا يجيها منام
سلام الله على الاغنام
سلام الله على الاغنام
--عادل التونى--
عادل التونى
عادل التونى
المدير
المدير

ذكر
عدد الرسائل : 1983
العمر : 64
تاريخ التسجيل : 22/03/2008

https://sanabel.ahladalil.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى