التسميد النيتروجينى

استعرض الموضوع السابق استعرض الموضوع التالي اذهب الى الأسفل

التسميد النيتروجينى

مُساهمة  عادل التونى في الإثنين يوليو 14, 2008 6:15 pm

السلام عليكم ورحمه الله وبركاته

بسم الله الرحمن الرحيم والحمد لله رب العالمين والصلاة والسلام علي اشرف المرسلين سيد الخلق اجمعين نبينا محمد صلي الله عليه وسلم ..
اما بعد ...

هناك نقاط يجب مراعاتها عند استخدام الاسمدة النيتروجينيه حتي يكون استخدام هذا النوع من السماد بكفاءة عاليه (هنستعرضها باذن الله سويا .. اللهم وفقنا لماتحبه وترضاة ..اللهم امين)


1 - Nitrogen form


المقصود بها صورة النيتروجين الصالح Available بالنسبه للنبات ...اما ان تكون هذة الصورة امونيوميه NH4 تحمل شحنه موجبه الشحنه (كاتيونيه) واما ان تكون نيتراتيه NO3 بتحمل شحنه سالبه (انيونيه) اذن هناك صورتين للنتروجين كاتيونيه وانيونيه
...
البحاث قالوا انه من الناحيه النظريه يفضل الصورة الامونيوميه بالنسبه للنبات عن الصورة النيتراتيه

وقالوا ان السبب في ذلك هو ان الصورة الامونيوميه بتدخل مباشرة في Protin Synthetic تخليق البروتين ..اما الصورة النيتراتيه فقالوا البحاث انه يجب ان Firist reduct تختزل اولا (الكلام دة من الناحيه النظريه )
ولكن من الناحيه العلميه وجدوا ان Rarely نادرا احتياج النبات لصورة معينه كما ان الصورة الامونيوميه بتتحول في النهايه بالتربه الي نيترات اللي هي العمليه المعروفه
Nitrification التاذت عن طريق Nitrifying Bactria
دة معناة ايه في رايك ؟؟؟ان الاسمدة النيتروجينيه متساويه في Effect التاثير ولكن هنا هيكون Difference بين الصورتين زي ماقلنا قبل كدة احدها كاتيونيه والاخري انيونيه ........(عظيم )
النوع الاخر من الاختلاف هو اختيار احدهما للتسميد ياتري هيعذي الي ايه؟؟؟؟؟
Due to the Side effectsالتاثيرات الجانبيه للصورة الموجود عليها المخصب او السماد يعني
مالمقصود بالتاثير الجانبي Side Effect
ناخد مثال
وجدوا البحاث ان افضل تسميد للبطاطس هو السماد الامونيومي والسبب في ذلك او تعليل ذلك ان السماد الامونيومي له تاثير Acidity حامضي وكمان بيحسن Improvement من صلاحيه المنجنيز للنبات ....
كان في ابحاث اخري بتوضح ان التاثير الجانبي هو اللي بيحدد تفضيل صورة اي سماد عن الاخر
فوجد الباحث ان سماد Ammonium Sulfate اللي هوسلفات النشادر كان افضل من Urea اليوريا في اعطاء محصول رؤس القرنبيط وتعليل ذلك انه دة بيعود للتاثير الحامضي من سلفات النشادر وكما انه بيؤدي الي زيادة صلاحيه بعض العناصر بالتربه لان سلفات النشادر شقين عنصر نتروجين .. بالاضافه الي عنصر الكبريت
والقرنبيط بيحتاج بشراهه نسبيه عن المحاصيل الاخري للكبريت ومن النتائج وجد
زيادة محصول رؤس القرنبيط وكذلك زيادة امتصاص الرؤس للفوسفور والبوتاسيوم
اما في حاله اليوريا ادت الي زيادة المجموع الخضري فقط للعينات دون الرؤس
اتمني المعلومه دي تكون وصلت بشكل جميل .... ندخل علي اللي بعدها [/size]
2- Soil Reaction PH


المقصود بها درجه حموضه التربه هي التي تحدد الصورة الواجب استخدامها ...
1 - نجد ان الصورة النيتراتيه تفضل في الاراضي مرتفعه الحموضه PH( اقل من 5) فهي تعمل علي رفع رقم حموضه التربه
2 - كلا صورتي السماد تقريبا متساويين في التاثير بالاراضي المتوسطه الي الخفيفه (حموضه PH 5-7)
3 - نجد ان الصورة الامونيوميه بتتفوق في الاراضي المتعادله الي الخفيفه القلويه (PH 7-7.5) والسبب في ذلك هو ان تاثيرها حامضي
4 - الصورة الامونيوميه لاتستخدم في الاراضي المرتفعه القاعديه (PH اكبر من 7.5) والسبب في ذلك انه سيحدث فقد في صورة غاز امونيا Volatlization التطاير

3 - Nitrogen loss


فيما معناة فقد النتروجين .. كيف بيحدث ؟
بنجد ان في الاراضي الرطبه او الاراضي الغدقه او الغير جيدة الصرف او التي تكون في ظروف لاهوائيه Anaerobic condition يعمل علي فقد النيترات وهذا مايطلق عليه بعمليه Dentrification عكس التاذت .... ناخد مثال
عندنا الارز بيكون كما هو معلوم تحت ظروف الزراعه بالغمر وتحت ظروف الغسيل بالامطار Leaching
بنجد ان الصورة النيتراتيه الانيونيه اي التي تحمل شحنه سالبه اسهل في الفقد ..يعني ايه بدون تعقيد
(انا عندي معقد التبادل سالب الشحنه والصورة النيتراتيه بتحمل شحنه سالبه وبالتالي سيحدث Repulsion
تنافر وبالتالي تفقد الصورة النيتراتيه بسهوله )
لكن بنجد ان الصورة الامونيوميه الكاتيونيه اي التي تحمل شحنه موجبه تمسك علي معقد التبادل وذلك يحميها من الفقد بالغسيل ولهذا تفضل عند زراعه الارز الصورة الامونيوميه ...
من المعلوم ان ارتفاع رقم
PH يؤدي الي حدوث Volatlization تطاير للامونيا ولكن يعالج ذلك باستعمال طريقه الاضافه Sutible المناسبه اما في جور او تكبيش .....


4 - Soil Texture


يقصد بذلك قوام التربه باختصار شديد ودة مش موضوعنا هو عبارة عن درجه نعومه او خشونه حبيبات التربه
نجد ان فقد النتروجين بالغسيل Leaching (يعني اقصد بالامطار او الري بالغمر) بالاراضي الرمليه (الخفيفه) نجد ان معدل الفقد اعلي من الاراضي المتوسطه او الثقيله اللي هي Heavy texture ويحدث ذلك لكلا الصورتين الامونيوميه والنتراتيه
لذلك يجب عدم الاسراف في مياة الري ويجب ايضا استخدام Conditioners محسنات التربه سواء Natural Or Synthetic الطبيعيه او المخلقه
ليه ؟؟؟؟؟؟؟؟؟؟؟ لانها بتساعد علي زيادة قوة حفظ التربه الخفيفه للرطوبه water holding capacity وعدم فقد Nutrient العناصر الغذائيه وان كان من الناحيه العلميه يفضل استخدام طرق الري الحديثه (الري بالرش , الري بالتنقيط )


5 - Action Of Nitrogn fertilizers


اي فعاليه الاسمدة النيتروجينيه ... نجد يااخوانا ان معظم الاسمدة النيتروجينيه سريعه التاثير ولكن ذلك لايتمشي مع معدل نمو النبات وبالتالي سيقلل من كفاءة استخدام السماد او عنصر النتروجين بواسطه النبات ( عظيم
)
لذلك بيوجد
اختلافات من حيث سرعه التاثير
... في معلومه هقولها قبل مااذكر الاختلافات
الاسمدة بتقسم طبقا لسرعه التاثير
1 - اسمدة سريعه التاثير وهي صالحه للامتصاص فور اضافتها للتربه مباشرة مثل اسمدة NPK
2 - اسمدة بيطلق عليها Slow Release Fertilizers اسمدة بطيئه التاثير وهي صالحه للامتصاص بعد تحولها في التربه مثل Slow Release N Fertilizers
اسمدة النيتروجين البطيئه الذوبان ( نكمل كلامنا
)
لما نعمل ترتيب للاسمدة النيتروجينيه من حيث سرعه التاثير كالتالي
الاسمدة النيتراتيه
Nitrate Fertilizers
يليها الاسمدة الامونيوميه Ammonium Fertilizers
يليها اليوريا وسيناميد الكالسيوم Urea,Calcium Cinamide
يليها Slow Release Fertilizers

ممكن اخونا يقولي ايه ( طيب دة فائيدته ايه ..استفيد انا من دة ايه )

ارجع واقولك لما بيحدث اعراض نقص فجاة ودة بيرجع لاسباب عديدة بنجد ان قد يكون احداها زيادة النمو بدرجه كبيرة اقصد زيادة الحاجه للنتروجين وبالتالي هنا انا لازم اضيف سماد نيتروجيني سريع التاثير وهيكون مين في الحاله دي ؟؟ السماد النيتراتي ..لذلك بنجد في بعض المراجع يقولك يطلق علي الاسمدة النيتراتيه تعبير Top Fertilizers اي اسمدة سطحيه ..كذلك يمكن ان يكون التاثير فوري (Rapid)سريع عن طريق رش السماد علي الاوراق وكذلك يلاحظ ان الاسمدة الامونيوميه قد تتساوي في السرعه مع الاسمدة النيتراتيه ..( قولي ليه )
لسرعه تحول الاولي الي نيترات كما ذكر سابقا ودة كمان بيفيد القائم بوضع برنامج تسميدي انه لا بد ان يضاف في اول حياة النبات سماد سريع التاثير وحتي لايحدث فقد للنيتروجين ... ولرفع كفاءة الاستخدام بيضاف السماد السريع التاثير مع سماد بطيء التاثير حتي يعطي النبات احتياجاته عند جميع المراحل نموة المختلفه ولذلك نجد بعض المصانع بتنتج سماد نيتراتي (
سريع) مع سماد بطيء الذوبان ...

6 - Increasing Of The Efficiency Of N Fertilizers


[size=16]زيادة كفاءة الاسمدة النيتروجينيه .. تحدثنا سابقا ان معظم الاسمدة النيتروجينيه سريعه التاثير(الفعاليه
) ولذلك عند اضافتها للنبات ياخذ النبات احتياجاته عند فترة الاضافه ..
(
ندخل بقا في نقطه مهمه جدا ) دلوقتي النبات اخد مايحتاجه من السماد عند فترة الاضافه ولكن هنا يمكن ان يحدث Luxury Consumption اي استهلاك ترفيهي عند هذة الفترة بمعني (ان موجود زيادة في امتصاص النيتروجين ولكن دون زيادة في النمو ) (عظيم
)
وبالتالي يمكن ان يحدث فقط لباقي كميه النتروجين عند هذة الفترة مما يقلل من كفاءة استخدام السماد النيتروجيني ولا يحصل النبات علي احتياجاته من العنصر عند مراحل نموة الفسيولجيه المختلفه الاخري والتي تكون كما نعلم في حاجه ماسه عندها للنتروجين ....
اخوانا البحاث قالوا احنا لازم نشوف وسيله لتقليل ذوبان السماد ..بحيث ان السماد يكفي جميع مراحل نمو النبات ..لان الاسمدة السريعه الذوبان كما تبين لا تكفي لجميع مراحل النمو ..فبدا الحديث من هنا عن الاسمدة بطيئه الذوبان والتي تستعمل لتقليل ذوبان السماد النيتروجيني وبالتالي زيادة كفاءة استخدام السماد (نكمل كلامنا
)

عادل التونى
المدير
المدير

ذكر
عدد الرسائل : 1983
العمر : 56
تاريخ التسجيل : 22/03/2008

http://sanabel.ace.st

الرجوع الى أعلى الصفحة اذهب الى الأسفل

رد: التسميد النيتروجينى

مُساهمة  عادل التونى في الإثنين يوليو 14, 2008 6:15 pm


نبدا نستعرض الوسائل التي ستزيد من كفاءة استخدام السماد
1 - ربط السماد النيتروجني الذائب في صورة مركبات حلقيه بحيث ان ذلك يقلل من ذوبانه ..ناخد مثال
CD-Urea حوالي28% N
(Crotony lidene diurea
) او في صورة سلسله طويله ..
2- تغليف السماد بطبقه صعبه التحلل حيث لا تتحلل الا تحت ظروف معينه قد تكون طبيعيه او كيميائيه او ميكربيولجيه ..
مثال ذلك
Sulfur Coated Urea
اليوريا المغلفه بالكبريت ..
3 -تغليف السماد السريع الذوبان بطبقه تقلل هجرة او خروج مثلا خارج هذة الطبقه عن طريق تغليف السماد بطبقه بلاستيكيه مثقبه او مادة راتنجيه بتتحكم في انتشار السماد للخارج
Diffusion او يحدث اكسبلوجن (انفجار
) للغشاء المغلف عند الامتصاص الجيد للماء ..
4 - من ضمن الوسائل ايضا اضافه inhibitors المواد المثبطه ..كيف بتكون المثبطات ؟ هتكون في الحاله دي مثبطات التاذت
Nitification Inhibitors او مثبطات اليورياز Urease Inhibitors وهنا الهدف من اضافه هذة المثبطات هو تقليل تكوين النيترات او الامونيوم علي التوالي عن طريق العمليات المعروفه Ammonification and Nitrification وبالتالي ياخوانا تقليل وسائل الفقد .....(جميل
)
5 -
طيب دلوقتي ابو العربي بيقولي الوسائل دي ياعمنا علي الرغم انها فعاله لكن مرتفعه في الاسعار
..فبنجد هنا ان ارخص الوسائل هو تقسيم معدلات السماد علي مراحل نمو النبات المختلفه ..
لغايه دلوقتي ..جميل جدا وجدا ..ويمكن انا بحاول قبل مابقول اللي بيحصل بقول بدات الفكرة ليه وازاي وعشان ايه ؟؟؟
هههههههههه
دايما تسال نفسك لما تدرس اي شيء
How and why and whate؟؟؟؟؟؟(نكمل كلامنا)[/size]


7 - Utilization Rate and Residual Effect Of N fertilizers


معدل الاستفادة والتاثير المتبقي للاسمدة النيتروجينيه ( هنبدا بقا ندخل في العمق شويه صغير جدا)
دلوقتي لابد من ان القائم بوضع بروجرام تسميدي علي درايه كاااامله بكفاءة استخدام السماد ..
ممكن ..يعني دعني اتخيل اني مدرس في كليه ( الجنه ان شاء الله ) اضع هذا السؤال في الامتحان واقوله بم تفسر او ايه تعليلك علي هذة المعلومه ..... طبعا مش هيجاوب كالعادة ...( اجاوب انا)
لان ذلك سيساعدة عند تقدير الحاجه التربه للتسميد بان يضيف المعدل المطلوب بكميه اكبر طبقا لمعامل كفاءة الاستفادة حتي يصل للنبات الكميه المطلوب اضافتها ..
هو التفسير واضح ولكن ابوالعربي بيقولي (مكلكعه شويه) مافي مشكل ..... ناخد مثال ..
لو انا كان عندي المطلوب اضافه 70كجم نيتروجين / فدان وكان عندي كفاءة استخدام السماد النيتروجيني المضاف ارضي تصل لحوالي 60%
هنا السؤال مالكميه الواجب اضافتها من النتروجين؟؟ بالطبع هتقسم الكميه المطلوب اضافتها علي معامل كفاءة استخدام السماد (معامل الاستفادة)
70 مضروبه في 100 علي 60 تعطيني حوالي 116.6 كيلواجرام نيتروجين ..
مش عايزك تنسي المعلومه دي (ان يضيف المعدل المطلوب بكميه اكبر طبقا لمعامل كفاءة الاستفادة )
ندخل علي نقطه اخري Residual Effect التاثير المتبقي
هنا التاثير المتبقي يفيد في ايه برايك ؟ هتقولي دة هيفيد في تقدير الكميه الواجب اضافتها في العام المقبل بمعني ....كلما زاد التاثير المتبقي (تمااااام) قلت الكميه المستخدمه من السماد وبالتالي تقل تكاليف المحصول ..
مكلكعه بردة ...نبسطها خالص
دلوقتي التربه محتاجه حوالي 100كجم ..جه الاستاذ نبات قال انا هاخد احتيجاتي اللي تكفيني .. عايز ايه يااستاذ نبات ؟ عايز حوالي 80 كجم ..يبقي فاضل حوالي كم ؟؟ 20 كجم دة بقا تاثير متبقي ..جيت السنه اللي بعدها ..انتا عارف التربه بتاخد حوالي 100 كجم وانا عندي اصلا في التربه 20 كجم ( تاثير متبقي)..يبقي انا هضيف كم دلوقتي ؟؟؟؟80 كجم ....( مثال سمبتيكي بس يعني اهوو حلو يارب يعجبكو)( نكمل كلامنا)
لابد ياخوانا بنكون علي علم بكفاءة استخدام النتروجين ...
فمثلا الاسمدة النيتروجينيه المضافه ارضي بتتراوح بين 50 -60% للاسمدة المعدنيه ..وحوالي 20 -30% للاسمدة البلديه وتصل الي 80 % في التسميد الورقي
( يعني افهم من كدة ان كفاءة استخدام السماد في حاله التسميد الورقي اعلي )(معلومه مهمه كالعادة)
نرجع تاني للتاثير المتبقي
دلوقتي التاثير المتبقي في السنه الاولي بيصل الي 10% ويقل بعد ذلك ولكن خلال عدة سنوات ( ماتستغربش :eek: والله دي الحقيقه )
دلوقتي يجب ان نحصل علي اعلي استخدام للسماد وفي نفس الوقت مستحيل ...قولي ليه ؟؟ لانه يصعب الوصول الي كفاءة 100% نظرا لتثبيت N السماد في الدبال Humusوجزء اخر ممكن انه يفقد بالغسيل ويمكن ان يفقد في صورة غاز عن طريق التطاير كما تحدثنا سابقا ويصل الفقد حوالي 15 % وقد يفقد جزء اخر من العنصر في صورة اكاسيد نيتروجينيه نتيجه لحدوث عمليه Dentrification عكس التاذت وطبعا كلنا عارفين انها بتحدث في ظروف الرطوبه العاليه او الظروف لاهوائيه ودة بيحدث اختزال وخاصه في الظروف الغدقه وبيصل الفقد الي 20% ...........



8 - Side Effects Of N Fertilizers


1 -التاثيرات الجانبيه للاسمدة النيتروجينيه ( ركز معايا الله يبارك فيك) قد تكون هذة التاثيرات الجانبيه مفيدة او ضارة ..فبنجد مثلا ان بعض الاسمدة النيتروجينيه تقوم بدور في المقاومه كمبيد للحشائش والحشرات والفطريات مثل سيناميد الكالسيوم ...
2-بنجد المركبات الوسطيه الناتجه عند تحلل الاسمدة النيتروجينيه قد تكون سامه ومثال ذلك سيناميد الكالسيوم بينتج عنه السيناميد او قد يكون احد مكونات المركبات الوسطيه الناتجه ضار بالتربه والنبات زي مثلا نيترات الصودا الشيلي (سماد طبيعي ) لانه طبعا بيحتوي علي الصوديوم وكنتيجه لزيادة استمراريه استخدامه بالاراضي القاعديه التاثير
يمكن ان يحولها الي تربه صوديه Sodic واحنا عارفين طبعا ان خصائص هذة النوعيه من التربه هتكون حتميا سيئه للنبات ..وبنجد ايضا في نفس الوقت ان عنصر البورون الموجود به يجعله صالح للبنجر ولكن قد يضر بالنباتات الحساسه للبورون وايضا احتوائه علي مركب بيركلورات بوتاسيوم دة بيجعل السماد غير صالح للرش الفولير (الورقي )
3 - من التاثيرات الجانبيه المفيدة هو الامداد بعناصر اخري ..بجانب عنصر النتروجين فمثلا بنجد ان سلفات النشادر بتمد النبات بعنصر الكبريت
مثلا نيترات الكالسيوم هتمد ة بالكالسيوم
مثلا نيترات الصوديوم هتمد ة بالصوديوم
4 - كما هو معلوم بان استخدام الاسمدة عموما بيساعد علي زيادة النشاط الميكروبي بالتربه Microbial active وبالتالي دة هيعمل علي صلاحيه العناصر الموجودة اصلا بالتربه في صورة صالحه ..
5 - هنتكلم بس في مساله التاثير علي PH التربه وهتتطرف جزئيا ..هو مش موضوعي الي السميه ..
معلوم ان السماد بيؤدي الي زيادة حموضه الوسط او الميديا اللي هي ( التربه ) الله يبارك فيك ...عن طريق خفض رقم PH التربه ومعلوم ان ذلك بيؤدي الي زيادة صلاحيه بعض العناصر بالتربه Micro Nutrient العناصر الصغري مثل الحديد والمنجنيز والنحاس والزنك (ويمكن علي ماتذكر تناقشنا في الموضوع دة في مشاركه خاصه بتدور حول العنصر الصغري )..مش موضوعنا
بالاضافه الي صلاحيه العناصر الصغري او الفوسفور ودة حكايه وفيلم لوحدة لانه بيحتاج PH 6.5-7 لزيادة صلاحيته ( النقطه اللي جايه مهمه شويه.. محتاجه درينك( كوب من الشاي).. )( نكمل كلامنا)
ولكن هنا انا يلزمنا اخفض PH وبالتالي تزيد صلاحيه العناصر ..تخفيض PH ليه حدود ..بمعني ان زيادة الصلاحيه عن حد معين تؤدي الي السميه والتي بالطبع تؤثر علي الانسان والحيوان المتغذي علي النبات ..نتيجه الي زيادة محتوي التربه من Havey metals العناصر الثقيله او العناصر الصغري ..(ومعلومه لان كان عندي بحث عن العناصر الثقيله ..بيتوقف درجه ذوبان Heavy metals علي درجه PH بيزيد الذوبان في الوسط الحامضي)..
قد يكون السماد له تاثير علي زيادة قاعديه التربه بمعني يعمل علي رفع رقم PH التربه وبالتالي يؤدي لنقص صلاحيه العناصر الصغري والفوسفور..
كان في جمله وانا في الكليه .. كنا بنغنيها كل يوم بتقول ايه؟؟ عند خفض PH تزيد صلاحيه العناصر الصغري ماعدا المولبيدنيوم ..كل يوم نقول الاغنيه دي.....
تتوقع في الحاله دي ايه اللي هيحصل ؟ هيقل صلاحيه العناصر الصغري وكذلك الفوسفور ولكن يفيد هذا في زيادة صلاحيه عنصر المولبيدنيوم او ودي مهمه جدا ترسيب المعادن الثقيله الضارة بالتربه .....
دلوقتي بيلاحظ ان تاثير السماد نفسه في محلول التربه اللي هو بعد الري كمركب كيميائي ولكن بنجد ان التاثير الاقوي للسماد هو Physiological reaction of Fertilizers التفاعل الفسيولجي للسماد ..ناخد مثال
في حاله سلفات النشادر بيقوم النبات بامتصاص ايون الامونيوم ويحدث Accumulation تراكم للكبريتات بالتربه التي تخفض رقم PH(زيادة حموضه التربه) كذلك نيترات الكالسيوم بيقوم النبات بامتصاص ايون النيترات بدرجه اكبر من امتصاص الكالسيوم بالتربه وبالتالي يؤدي الي تراكم الكالسيوم بالتربه اللي هيرفع رقم PH (زيادة قاعديه التربه )

6 - الاسمدة الامونيوميه مثل سلفات النشادر او نيترات النشادر او اليوريا او الامونيا او نيترات النشادر الجيريه بالطبع تؤدي لزيادة حموضه التربه (خفض رقم PH) ..والعكس في حاله الاسمدة النيتراتيه زي (نيترات الكالسيوم ونيترات الصوديوم وسيناميد الكالسيوم) تؤدي لزيادة قاعديه التربه (رفع رقم PH)

7- Salt Effect
التاثير الملحي ...
الاسمدة ياخوانا عبارة عن املاح بتضاف للتربه ..لما بيحدث اسراف او زيادة في استخدام السماد بيعمل علي زيادة الضغط الاسموزي Osmotic Pressure للSoil solution المحلول الارضي ..هتبقي سلوكها عامله بالظبط زي الاملاح بالتربه ..دة بيطلق عليه Salt Damage الضرر الملحي



9 - بعض القواعد العلميه لاستخدام السماد النيتروجيني


1 -يجب عدم الاسراف في استخدام الاسمدة النيتروجينيه حيث يجب ان تحسب الكميه المثلي الواجب اضافاتها وهي ببساطه الفرق بين الكميه الموصي بها لمحصول معين والكميه الموجودة بالتربه .
2 - الاسمدة الامونيوميه لابد وان تضاف علي عمق او في جور او تكبيش خاصه بالاراضي ذات رقم PH مرتفع حتي لايحدث تطاير كما ذكرنا سابقا في صورة امونيا..
3 - في حاله الاراضي الرمليه يفضل اضافه السماد مع ماء الري بالطرق الحديثه .Fertigation
4 - في حاله ظهور اعراض النقص المفاجئه وتكلمنا عنها سابقا يعالج بسرعه هذا النقص بسماد نيتراتي ويضاف نثر ثم الري بمياة خفيفه ويفضل الرش لان احنا قلنا اعلي كفاءة استخدام نتروجين الرش حوالي 80% (لاتنسي) وحتي كمان في حاله التسميد دون ظهور اعراض النقص ..
5 - بردة من المعلومات المهمه جدا ان لابد اننا ناخد في الاعتبار تنوع المحاصيل المختلفه في احتيجاتها السماديه فبنجد ان المحاصيل الورقيه بتحتاج للنتروجين بمعدلات كبيرة مقارنه بعنصر البوتاسيوم والفوسفور ...





الحمد لله الذي هدانا لهذا وما كنا لنهتدي لولا أن هدانا الله


عادل التونى
المدير
المدير

ذكر
عدد الرسائل : 1983
العمر : 56
تاريخ التسجيل : 22/03/2008

http://sanabel.ace.st

الرجوع الى أعلى الصفحة اذهب الى الأسفل

رد: التسميد النيتروجينى

مُساهمة  عادل التونى في الإثنين يوليو 14, 2008 6:16 pm


نبدا نستعرض الوسائل التي ستزيد من كفاءة استخدام السماد
1 - ربط السماد النيتروجني الذائب في صورة مركبات حلقيه بحيث ان ذلك يقلل من ذوبانه ..ناخد مثال
CD-Urea حوالي28% N
(Crotony lidene diurea
) او في صورة سلسله طويله ..
2- تغليف السماد بطبقه صعبه التحلل حيث لا تتحلل الا تحت ظروف معينه قد تكون طبيعيه او كيميائيه او ميكربيولجيه ..
مثال ذلك
Sulfur Coated Urea
اليوريا المغلفه بالكبريت ..
3 -تغليف السماد السريع الذوبان بطبقه تقلل هجرة او خروج مثلا خارج هذة الطبقه عن طريق تغليف السماد بطبقه بلاستيكيه مثقبه او مادة راتنجيه بتتحكم في انتشار السماد للخارج
Diffusion او يحدث اكسبلوجن (انفجار
) للغشاء المغلف عند الامتصاص الجيد للماء ..
4 - من ضمن الوسائل ايضا اضافه inhibitors المواد المثبطه ..كيف بتكون المثبطات ؟ هتكون في الحاله دي مثبطات التاذت
Nitification Inhibitors او مثبطات اليورياز Urease Inhibitors وهنا الهدف من اضافه هذة المثبطات هو تقليل تكوين النيترات او الامونيوم علي التوالي عن طريق العمليات المعروفه Ammonification and Nitrification وبالتالي ياخوانا تقليل وسائل الفقد .....(جميل
)
5 -
طيب دلوقتي ابو العربي بيقولي الوسائل دي ياعمنا علي الرغم انها فعاله لكن مرتفعه في الاسعار
..فبنجد هنا ان ارخص الوسائل هو تقسيم معدلات السماد علي مراحل نمو النبات المختلفه ..
لغايه دلوقتي ..جميل جدا وجدا ..ويمكن انا بحاول قبل مابقول اللي بيحصل بقول بدات الفكرة ليه وازاي وعشان ايه ؟؟؟
هههههههههه
دايما تسال نفسك لما تدرس اي شيء
How and why and whate؟؟؟؟؟؟(نكمل كلامنا)[/size]


7 - Utilization Rate and Residual Effect Of N fertilizers


معدل الاستفادة والتاثير المتبقي للاسمدة النيتروجينيه ( هنبدا بقا ندخل في العمق شويه صغير جدا)
دلوقتي لابد من ان القائم بوضع بروجرام تسميدي علي درايه كاااامله بكفاءة استخدام السماد ..
ممكن ..يعني دعني اتخيل اني مدرس في كليه ( الجنه ان شاء الله ) اضع هذا السؤال في الامتحان واقوله بم تفسر او ايه تعليلك علي هذة المعلومه ..... طبعا مش هيجاوب كالعادة ...( اجاوب انا)
لان ذلك سيساعدة عند تقدير الحاجه التربه للتسميد بان يضيف المعدل المطلوب بكميه اكبر طبقا لمعامل كفاءة الاستفادة حتي يصل للنبات الكميه المطلوب اضافتها ..
هو التفسير واضح ولكن ابوالعربي بيقولي (مكلكعه شويه) مافي مشكل ..... ناخد مثال ..
لو انا كان عندي المطلوب اضافه 70كجم نيتروجين / فدان وكان عندي كفاءة استخدام السماد النيتروجيني المضاف ارضي تصل لحوالي 60%
هنا السؤال مالكميه الواجب اضافتها من النتروجين؟؟ بالطبع هتقسم الكميه المطلوب اضافتها علي معامل كفاءة استخدام السماد (معامل الاستفادة)
70 مضروبه في 100 علي 60 تعطيني حوالي 116.6 كيلواجرام نيتروجين ..
مش عايزك تنسي المعلومه دي (ان يضيف المعدل المطلوب بكميه اكبر طبقا لمعامل كفاءة الاستفادة )
ندخل علي نقطه اخري Residual Effect التاثير المتبقي
هنا التاثير المتبقي يفيد في ايه برايك ؟ هتقولي دة هيفيد في تقدير الكميه الواجب اضافتها في العام المقبل بمعني ....كلما زاد التاثير المتبقي (تمااااام) قلت الكميه المستخدمه من السماد وبالتالي تقل تكاليف المحصول ..
مكلكعه بردة ...نبسطها خالص
دلوقتي التربه محتاجه حوالي 100كجم ..جه الاستاذ نبات قال انا هاخد احتيجاتي اللي تكفيني .. عايز ايه يااستاذ نبات ؟ عايز حوالي 80 كجم ..يبقي فاضل حوالي كم ؟؟ 20 كجم دة بقا تاثير متبقي ..جيت السنه اللي بعدها ..انتا عارف التربه بتاخد حوالي 100 كجم وانا عندي اصلا في التربه 20 كجم ( تاثير متبقي)..يبقي انا هضيف كم دلوقتي ؟؟؟؟80 كجم ....( مثال سمبتيكي بس يعني اهوو حلو يارب يعجبكو)( نكمل كلامنا)
لابد ياخوانا بنكون علي علم بكفاءة استخدام النتروجين ...
فمثلا الاسمدة النيتروجينيه المضافه ارضي بتتراوح بين 50 -60% للاسمدة المعدنيه ..وحوالي 20 -30% للاسمدة البلديه وتصل الي 80 % في التسميد الورقي
( يعني افهم من كدة ان كفاءة استخدام السماد في حاله التسميد الورقي اعلي )(معلومه مهمه كالعادة)
نرجع تاني للتاثير المتبقي
دلوقتي التاثير المتبقي في السنه الاولي بيصل الي 10% ويقل بعد ذلك ولكن خلال عدة سنوات ( ماتستغربش :eek: والله دي الحقيقه )
دلوقتي يجب ان نحصل علي اعلي استخدام للسماد وفي نفس الوقت مستحيل ...قولي ليه ؟؟ لانه يصعب الوصول الي كفاءة 100% نظرا لتثبيت N السماد في الدبال Humusوجزء اخر ممكن انه يفقد بالغسيل ويمكن ان يفقد في صورة غاز عن طريق التطاير كما تحدثنا سابقا ويصل الفقد حوالي 15 % وقد يفقد جزء اخر من العنصر في صورة اكاسيد نيتروجينيه نتيجه لحدوث عمليه Dentrification عكس التاذت وطبعا كلنا عارفين انها بتحدث في ظروف الرطوبه العاليه او الظروف لاهوائيه ودة بيحدث اختزال وخاصه في الظروف الغدقه وبيصل الفقد الي 20% ...........



8 - Side Effects Of N Fertilizers


1 -التاثيرات الجانبيه للاسمدة النيتروجينيه ( ركز معايا الله يبارك فيك) قد تكون هذة التاثيرات الجانبيه مفيدة او ضارة ..فبنجد مثلا ان بعض الاسمدة النيتروجينيه تقوم بدور في المقاومه كمبيد للحشائش والحشرات والفطريات مثل سيناميد الكالسيوم ...
2-بنجد المركبات الوسطيه الناتجه عند تحلل الاسمدة النيتروجينيه قد تكون سامه ومثال ذلك سيناميد الكالسيوم بينتج عنه السيناميد او قد يكون احد مكونات المركبات الوسطيه الناتجه ضار بالتربه والنبات زي مثلا نيترات الصودا الشيلي (سماد طبيعي ) لانه طبعا بيحتوي علي الصوديوم وكنتيجه لزيادة استمراريه استخدامه بالاراضي القاعديه التاثير
يمكن ان يحولها الي تربه صوديه Sodic واحنا عارفين طبعا ان خصائص هذة النوعيه من التربه هتكون حتميا سيئه للنبات ..وبنجد ايضا في نفس الوقت ان عنصر البورون الموجود به يجعله صالح للبنجر ولكن قد يضر بالنباتات الحساسه للبورون وايضا احتوائه علي مركب بيركلورات بوتاسيوم دة بيجعل السماد غير صالح للرش الفولير (الورقي )
3 - من التاثيرات الجانبيه المفيدة هو الامداد بعناصر اخري ..بجانب عنصر النتروجين فمثلا بنجد ان سلفات النشادر بتمد النبات بعنصر الكبريت
مثلا نيترات الكالسيوم هتمد ة بالكالسيوم
مثلا نيترات الصوديوم هتمد ة بالصوديوم
4 - كما هو معلوم بان استخدام الاسمدة عموما بيساعد علي زيادة النشاط الميكروبي بالتربه Microbial active وبالتالي دة هيعمل علي صلاحيه العناصر الموجودة اصلا بالتربه في صورة صالحه ..
5 - هنتكلم بس في مساله التاثير علي PH التربه وهتتطرف جزئيا ..هو مش موضوعي الي السميه ..
معلوم ان السماد بيؤدي الي زيادة حموضه الوسط او الميديا اللي هي ( التربه ) الله يبارك فيك ...عن طريق خفض رقم PH التربه ومعلوم ان ذلك بيؤدي الي زيادة صلاحيه بعض العناصر بالتربه Micro Nutrient العناصر الصغري مثل الحديد والمنجنيز والنحاس والزنك (ويمكن علي ماتذكر تناقشنا في الموضوع دة في مشاركه خاصه بتدور حول العنصر الصغري )..مش موضوعنا
بالاضافه الي صلاحيه العناصر الصغري او الفوسفور ودة حكايه وفيلم لوحدة لانه بيحتاج PH 6.5-7 لزيادة صلاحيته ( النقطه اللي جايه مهمه شويه.. محتاجه درينك( كوب من الشاي).. )( نكمل كلامنا)
ولكن هنا انا يلزمنا اخفض PH وبالتالي تزيد صلاحيه العناصر ..تخفيض PH ليه حدود ..بمعني ان زيادة الصلاحيه عن حد معين تؤدي الي السميه والتي بالطبع تؤثر علي الانسان والحيوان المتغذي علي النبات ..نتيجه الي زيادة محتوي التربه من Havey metals العناصر الثقيله او العناصر الصغري ..(ومعلومه لان كان عندي بحث عن العناصر الثقيله ..بيتوقف درجه ذوبان Heavy metals علي درجه PH بيزيد الذوبان في الوسط الحامضي)..
قد يكون السماد له تاثير علي زيادة قاعديه التربه بمعني يعمل علي رفع رقم PH التربه وبالتالي يؤدي لنقص صلاحيه العناصر الصغري والفوسفور..
كان في جمله وانا في الكليه .. كنا بنغنيها كل يوم بتقول ايه؟؟ عند خفض PH تزيد صلاحيه العناصر الصغري ماعدا المولبيدنيوم ..كل يوم نقول الاغنيه دي.....
تتوقع في الحاله دي ايه اللي هيحصل ؟ هيقل صلاحيه العناصر الصغري وكذلك الفوسفور ولكن يفيد هذا في زيادة صلاحيه عنصر المولبيدنيوم او ودي مهمه جدا ترسيب المعادن الثقيله الضارة بالتربه .....
دلوقتي بيلاحظ ان تاثير السماد نفسه في محلول التربه اللي هو بعد الري كمركب كيميائي ولكن بنجد ان التاثير الاقوي للسماد هو Physiological reaction of Fertilizers التفاعل الفسيولجي للسماد ..ناخد مثال
في حاله سلفات النشادر بيقوم النبات بامتصاص ايون الامونيوم ويحدث Accumulation تراكم للكبريتات بالتربه التي تخفض رقم PH(زيادة حموضه التربه) كذلك نيترات الكالسيوم بيقوم النبات بامتصاص ايون النيترات بدرجه اكبر من امتصاص الكالسيوم بالتربه وبالتالي يؤدي الي تراكم الكالسيوم بالتربه اللي هيرفع رقم PH (زيادة قاعديه التربه )

6 - الاسمدة الامونيوميه مثل سلفات النشادر او نيترات النشادر او اليوريا او الامونيا او نيترات النشادر الجيريه بالطبع تؤدي لزيادة حموضه التربه (خفض رقم PH) ..والعكس في حاله الاسمدة النيتراتيه زي (نيترات الكالسيوم ونيترات الصوديوم وسيناميد الكالسيوم) تؤدي لزيادة قاعديه التربه (رفع رقم PH)

7- Salt Effect
التاثير الملحي ...
الاسمدة ياخوانا عبارة عن املاح بتضاف للتربه ..لما بيحدث اسراف او زيادة في استخدام السماد بيعمل علي زيادة الضغط الاسموزي Osmotic Pressure للSoil solution المحلول الارضي ..هتبقي سلوكها عامله بالظبط زي الاملاح بالتربه ..دة بيطلق عليه Salt Damage الضرر الملحي



9 - بعض القواعد العلميه لاستخدام السماد النيتروجيني


1 -يجب عدم الاسراف في استخدام الاسمدة النيتروجينيه حيث يجب ان تحسب الكميه المثلي الواجب اضافاتها وهي ببساطه الفرق بين الكميه الموصي بها لمحصول معين والكميه الموجودة بالتربه .
2 - الاسمدة الامونيوميه لابد وان تضاف علي عمق او في جور او تكبيش خاصه بالاراضي ذات رقم PH مرتفع حتي لايحدث تطاير كما ذكرنا سابقا في صورة امونيا..
3 - في حاله الاراضي الرمليه يفضل اضافه السماد مع ماء الري بالطرق الحديثه .Fertigation
4 - في حاله ظهور اعراض النقص المفاجئه وتكلمنا عنها سابقا يعالج بسرعه هذا النقص بسماد نيتراتي ويضاف نثر ثم الري بمياة خفيفه ويفضل الرش لان احنا قلنا اعلي كفاءة استخدام نتروجين الرش حوالي 80% (لاتنسي) وحتي كمان في حاله التسميد دون ظهور اعراض النقص ..
5 - بردة من المعلومات المهمه جدا ان لابد اننا ناخد في الاعتبار تنوع المحاصيل المختلفه في احتيجاتها السماديه فبنجد ان المحاصيل الورقيه بتحتاج للنتروجين بمعدلات كبيرة مقارنه بعنصر البوتاسيوم والفوسفور ...





الحمد لله الذي هدانا لهذا وما كنا لنهتدي لولا أن هدانا الله

منقول

_________________
 
اضغط الرابط للاطلاع على اعمالى الادبية
 
http://knol.google.com/k/-/-/2m8uw5m0bmaox/0#knols

عادل التونى
المدير
المدير

ذكر
عدد الرسائل : 1983
العمر : 56
تاريخ التسجيل : 22/03/2008

http://sanabel.ace.st

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى